A cuufficialità – è in modu più largu a lingua corsa – sarà u sugettu chì hà fattu u più parlà è diciulà in Corsica issi pochi anni. Hè di primura u tema, hè vera : u corsu hè lingua minurizata, duminata è minacciata. À tempu, si tratta di unu di i puntelli maiò di l’identità cullettiva di u populu corsu chì s’impetta in modu storicu, filusoficu è ghjuridicu, à l’urganizazione è à a custituzione stessa di u Statu francese è à a so ideulugia monolinguista.
In giru à issu sugettu sensibule assai, quellu di a cuufficialità, si hè intesu di tuttu è, à le volte, affari sprupusitati chì vanu à sensu cuntrariu di u ragiunamentu scentificu minimu. Tandu, si vole à traversu issi 50 argumenti à prò di a cuufficialità, stabilisce un pocu l’elementi principali di u dibattitu è palisà u fattu chì tuttu què ùn hè cà robba pulitica, custruzzione suciale, lotta di putere è chì un istatutu di cuufficialità vinaria nurmale, legittimu è… pussibule !
Tenez-vous au courant de l'actualité